چوآ سیدن شاہ (خرم منظور) چوآ سیدن شاہ راجہ خان زمان ڈی ایس پی چوآسیدن شاہ نے محمد زراعت بلوچ ایس ایچ او کی زیر نگرانی ریڈنگ پارٹی ترتیب دی. پولیس پارٹی ڈنڈوت سمندری کے ایریا میں پہنچی جہاں چار پٹھان منشیات فروشوں نے پولیس پارٹی پر فائرنگ کردی.پولیس نے بھی حفاظت خود اختیاری میں ہوائی فائرنگ کی۔
تین پٹھان منشیات فروش فائرنگ کرتے ہوئے بھاگ پڑے.منشیات فروشوں کا چوتھا ساتھی محمد شریف ولد محمد ظریف اپنے بھاگنے والے ساتھیوں کی فائرنگ سے زخمی ہوکر گرگیا جسے پولیس نے حراست میں لے لیا۔ زخمی منشیات فروش سے دو کلو گرام سے زائد چرس اور پسٹل بھی برآمد کر لیا گیا.بقیہ تین پٹھان منشیات فروش فائرنگ کرتے ہوئے پہاڑی علاقہ میں روپوش ہوگئے۔
پولیس کی بھاری نفری معہ ایلیٹ فورس کا علاقہ میں سرچ آپریشن جاری ہے .زخمی منشیات فروش کو فوری طبی امداد فراہم کرانے کےلئے زیرنگرانی پولیس بذریعہ ریسکیو 1122 ، ٹی ایچ کیوہسپتال چوآسیدن شاہ بھجوادیا گیا.
محمد بن اشرف ڈسٹرکٹ پولیس آفیسر چکوال نے تھانہ چوآسیدن شاہ پولیس کی اس جرءات مندانہ کاوش کو احسن الفاظ میں سراہتے ہوئے بھرپور شاباش دی اور ریڈنگ پارٹی کے آفیسر محمد زراعت انسپکٹر ایس ایچ او چوآسیدن شاہ، گلزار حسین سب انسپکٹر اور انکے ہمراہی جوانوں کو انکی بہادری پر انعام دینے کا بھی اعلان کیا ہے.
عوامی و سماجی حلقوں کی جانب سے بھی دبنگ آفیسر زراعت بلوچ اور ان کی پوری ٹیم کر خراج تحسین پیش کیا گیا.پولیس نے ملزمان کے خلاف مقدمہ درج کر کے باقی ملزمان کی تلاش بھی شروع کر دی۔
|
|---|
سبسکرائب کریں در:
تبصرے شائع کریں (Atom)
0 Comments:
ایک تبصرہ شائع کریں