چوآ سیدن شاہ دربار سخی سیدن شاہ شیرازی کی ماڈل مسجد میں نمازی ٹھنڈے پانی سے وضو کرنےپر مجبور

چوآ سیدن شاہ (ملک عظمت حیات سے) چوآ سیدن شاہ محکمہ اوقاف کی مسجد عرصہ دراز سے تعمیر کی گئی لیکن مسجد میں ابھی تک گیس کا میٹر نہیں لگایا جاسکا۔ دربار حضرت سخی سیدن شاہ شیرازی کی ماڈل مسجد مین بازار چوآ سیدن شاہ واحد آج بھی اس جدید دور میں سوئی گیس سے محروم ہے۔   شہر کی تمام مسجدیں اے سی اورہیٹر اور گیزر کی سہولیات سے آراستہ ہیں۔ لیکن مسجد دربار سخی سیدن شاہ شیرازی میں نمازی حضرات اس سردی کے موسم میں ٹھنڈے پانی سے وضو کرنے پر مجبور ہیں۔ جبکہ محکمہ اوقاف دربار سے ماہانہ لاکھوں اور سالانہ کروڑوں روپے آمدن وصول کر رہا ہے۔اور چند ہزار روپے سے گیس میٹر نہیں لگوایا جا سکتا۔  شہریوں حاجی سجاد زرگر، سلیم، چوہدری عمران، حاجی نو ر الہیٰ، ملک کوثر،حاجی صابر، کامران، وسیم عباس و دیگر نے میڈیا سے گفتگو کرتے ہوئے کہا کہ دربار کی مسجد عرصہ دراز سے تعمیر ہے۔ اس میں نمازی ٹھنڈے پانی سے وضو کرنے پر مجبور ہیں۔  محکمہ اوقاف یہاں سے لاکھوں روپے آمدن وصول کر رہے ہیں لیکن چند ہزار روپوں سے گیس میٹر نہیں لگوایا جاسکا۔ شہریوں کا کہنا ہے کہ صوبائی وزیر محکمہ اوقاف، سیکرٹری اوقاف و چیف ایڈمنسٹریٹر لاہور،زونل ایڈمنسٹریٹر راولپنڈی، مینیجر اوقاف سرکل جہلم و چکوال،ڈ ی سی چکوال عبدالستار عیسانی اوراسسٹنٹ کمشنر چوآ سیدن شاہ  اس واقعہ کا نوٹس لیں اور مسجد میں گیس میٹر لگوایا جائے تاکہ نمازی پریشانی سے دوچار نہ ہوں۔