بھیرہ کے قریب مسافروین حادثے کاشکار، 11افراد ہلاک

چکوال (نامہ نگار)ذرائع کے مطابق دوران سفرگاڑی کا ٹائر برسٹ ہوگیا جس کی وجہ سے گاڑی میں آگ  لگ گئی اور گاڑی ڈرائیورکے کنٹرول سے باہرہوکر ایک پلر سے ٹکرا گئی ۔گاڑی میں لگنے والی آگ اتنی شدید تھی کہ اس نے مسافروں کو اپنی لپیٹ میں لے لیا جسکی وجہ سے موقع پر ہی 11 افراد جھلس کر جان بحق ہوگئے ۔ مرنے والوں میں ایک خاتون بھی شامل ہے جبکہ 6 افراد شدید زخمی ہوگئے جنہیں تحصیل ہیڑکوارٹر ہسپتال بھیرہ میں ابتدائی طبی امداد دینے کے بعد سرگودھا ریفر کردیا گیا ۔اس وقت تک 9 جاں بحق افراد کی نعشیں تحصیل ہیڑکوارٹر ہسپتال بھیرہ میں پہنچائی جا چکی ہیں۔تاآمدہ اطلاعات تک باقی دو افراد کی میتیں ابھی تک گاڑی سے نہیں نکالی جا سکیں ۔حادثہ اتنا شدید تھا کہ میتوں کو گاڑی کاٹ کر نکالا جا رہا ہے۔زخمی ہونے والوں کے نام محمد افضل،نوید،محمد یار،عزیزہ،:صغیرہ  ہیں ان میں ایک بچہ  بھی شامل ہے جس کا نام معلوم نہیں ہوسکا۔