زمین کے چھوٹے سے ٹکڑے کے لئے 33 قتل

صرف ایک ایکڑ زمین کے لیے تینتیس قتل، زمین کے چھوٹے سے ٹکڑے نے شیخوپورہ کی زمین خون سے رنگ دی۔ ایک ایکڑ زمین کے بدلے تینتیس قتل، شیخوپورہ میں زمین کے چھوٹے سے ٹکڑے نے قیمتی جانیں ضائع کر دیں۔ تفصیلات کیمطابق شیخورہ کے علاقے سترہ آباد میں تیس سال سے چلی دشمنی نے 33 قیمتی جانیں لے لیں۔ 1988 میں دو لاکھ مالیت کی ایک ایکڑ زمین پر تنازعہ شروع ہوا۔ لڑائی کے دوران اشتیاق گروپ نے شفیع گروپ کے محمد اقبال کو قتل کردیا۔ عدالت میں کیس چلا تو اشتیاق گروپ نے مقدمے کے گواہ عبدالرزاق کو بھی قتل کردیا۔ اس کے بدلے میں شفیع گروپ نے 1999 میں مرکزی ملزم اشتیاق کے چچا کو، 2005 میں والد کو اور 2014 میں بھائی کو قتل کر دیا۔ بدلے کی آگ میں اشتیاق گروپ نے شیخوپورہ، ننکانہ صاحب اور فیصل آباد میں شفیع گروپ کا جو بھی فرد ملا اسکو موت کے کھاٹ اتار دیا۔ سن 2014 میں مرکزی ملزم اشتیاق عرف سرفراز کو گرفتار کر لیا گیا۔ملزم کے جیل ٹرائل کے دوران شفیع گروپ کے دو اور افراد کو قتل کر دیا۔ 2019 میں اشتیاق گروپ نے ایک اور باپ بیٹے کو قتل کردیا اور اب 31 جنوری کو شفیع گروپ کے مزید 5 افراد کو پیشی پر جاتے ہوئے قتل کر دیا۔ اس لڑائی میں اب تک شفیع گروپ کے 30 جبکہ اشتیاق گروپ کے 5 افراد جاں بحق ہو چکے ہیں۔ اس حوالے سے لواحقین کا کہنا ہے کہ انکے گھر میں کوئی بھی مرد نہیں بچا اور انکی فریاد سننے والا کوئی نہیں ہے، اگر یہ معاملہ پہلے ہی حل ہو جاتا تو بہت سے جانیں بچ جاتیں۔ پولیس نے بھی ہماری کوئی مدد نہیں کی۔