بھارت کو عالمی سطح پر رسوائی کا سامنا، اقلیتوں کے لیے خطرناک ملک قرار
تفصیلات کے مطابق مسلمانوں پر تشدد کے بڑھتے واقعات کے باعث بھارت کو عالمی سطح پر رسوائی کا سامنا کرنا پڑ رہا ہے، تاریخ میں پہلی بار امریکہ کے کمیشن برائے مذہبی امور نے بھارت کو اقلیتوں کے لیے خطرناک ملک قرار دے دیا ہے۔
مذہبی آزادی پر بنے امریکی کمیشن کی سالانہ رپورٹ جاری کی گئی جس میں پہلی بار بھارت کو اقلیتوں کے لیے خطرناک ملک قرار دے دیا گیا، جس کے بعد بھارت کی عالمی سطح پر پذیرائی خاک میں ملتی نظر آرہی ہے۔ کیوں کہ پچھلے کئی سالوں سے مسلمانوں پر بے جا تشدد کے واقعات بڑھتے دکھائی دیے ہیں۔
امریکی کمیشن کے اعلامیہ کے مطابق سالانہ رپورٹ میں متنازع بھارتی شہریت بل پر امریکی کمیشن کو شدید تنقید کا نشانہ بنایا گیا، 2019ء میں بھارت میں اقلیتوں پر حملوں میں اضافہ ہوا اور بھارت مذہبی آزادی کے معاملے میں تیزی سے نیچے کی طرف جا رہا ہے، جس کے بعد امریکی کمیشن نے بھارت کو سی پی سی ممالک کی فہرست میں شامل کرلیا ہے۔
امریکی کمیشن کی رپورٹ میں پاکستان میں حالیہ ہوئیں متعدد مثبت پیش رفت کا اعتراف کیا گیا، جبکہ کمیشن نے بابری مسجد سے متعلق سپریم کورٹ کے فیصلے، مقبوضہ کشمیر کی خصوصی حیثیت کو منسوخ کرنے پر شدید تنقید کا نشانہ بنایا۔
امریکی مذہبی کمیشن نے پاکستان کے مذہبی اقلیتوں کے خلاف امتیازی مواد اور تعلیمی مواد پر نظر ثانی کرنے کے حکومتی اقدامات کی تعریف کرنے کے ساتھ ساتھ کرتار پور راہداری کھولنے، پاکستان میں سکھ یونیورسٹی قائم کرنے، ہندو مندر کو دوبارہ آباد کرنے، آسیہ بی بی کو بری کرنے کے اقدامات کو سراہا۔
0 Comments:
ایک تبصرہ شائع کریں
Click to see the code!
To insert emoticon you must added at least one space before the code.