ایک شخص طوفان میں درخت کے نیچے پناہ لیے کھڑا تھا ۔ ۔

مولانا رومی کی ایک حکایت جو موجودہ حالات پر صادق آتی ہے۔  فرماتے ہیں

ایک شخص طوفان کی آمد کے پیش نظر  ایک درخت کے نیچے پناہ لیے کھڑا تھا۔ ایک دوسرا شخص پاس سے گزرا تو اس نے کہا میاں جب طوفان آتا ہے تو بجلی گرنے کا امکان درختوں پر زیادہ ہوتا ہے، اس لئے یہاں سے ہٹ جاؤ۔ اس شخص نے جواب دیا کہ میرا رب مالک ہے۔

اس کے بعد ایک دوسرا شخص گذرا، اس نے بھی یہی نصیحت کی تو درخت تلے کھڑے شخص نے پھر یہی جواب دیا۔

آخر ایک تیسرا بندہ گذرا اور اس نے یہی کہا اور اس آدمی کا پھر یہی جواب تھا کہ اللہ مالک ہے۔

غرض طوفان آیا بجلی گری اور وہ آدمی لقمہء اجل بن گیا۔

یہ سارا منظر جو ایک بندۂِ خدا دیکھ چکا تھا۔ اس نے کہا کہ اس بندے کا تو اللہ پر اس قدر ایمان تھا، پھر بھی خدا نے اس کو کیوں نہ بچایا ؟

مولانا فرماتے ہیں کہ وہ تین بندے بھی اللہ نے ہی بھیجے تھے کہ بچ جاؤ مگر اس شخص نے نہ مان کر خود اپنی تباہی کی۔

__________

ہمیں موجودہ حالات میں مولانا کی حکایت سے سبق سیکھ کر عبرت حاصل کرنی چاہئے

(وٹس ایپ سے موصول شدہ)