ڈاکٹر فرقان کی موت سے کچھ دیر قبل کی دردناک آڈیو کال ۔ حوصلہ ہے تو سنئے

گزشتہ رات ونٹی لیٹر نہ ملنے پر جاں بحق ہونیوالے ڈاکٹر فرقان کی موت سے کچھ دیر قبل کی آڈیو کال۔۔ سننے کا حوصلہ ہے تو ضرور سنئے

مایہ ناز اینکر پرسن نادیہ مرزا نے اپنے سوشل میڈیا اکاؤنٹ پر ڈاکٹرفرقان کی ایک آڈیو کال شئیر کی ۔ نادیہ مرزا نے آڈیو کال شئیر کرتے ہوئے کہا کہ اگر کوئی سننے کا حوصلہ رکھتا ہے تو ڈاکٹر فرقان کی مرنے سے کچھ دیر قبل کی اپنے دوست سے کی گئ گفتگو سن لے۔ میرے پاس الفاظ ختم ہیں دل پھٹ جائیگا ایسا لگ رہا ہے

اگر کوئی سننے کا حوصلہ رکھتا ہے تو ڈاکٹر فرقان کی مرنے سے کچھ دیر قبل کی اپنے دوست سے کی گئ گفتگو سن لے۔ میرے پاس الفاظ ختم ہیں دل پھٹ جائیگا ایسا لگ رہا ہے۔ 😭😭😭 pic.twitter.com/drWPd68T3d

— Nadia Mirza (@nadia_a_mirza) May 3, 2020

کراچی کے سینیر ریڈیولوجسٹ ڈاکٹر فرقان کی مرنے سے کچھ دیر قبل کی گئی گفتگو مسیحا کی بے بسی اور لاچاری کی انتہا تھی۔ اس کال میں ڈاکٹر فرقان کی آواز میں نقاہت تھی اور وہ بار بار کھانسی کرکے اپنے دوست سے اپیل کررہے تھے کہ کچھ کرو۔

کراچی کے سینیر ریڈیولوجسٹ ڈاکٹر فرقان کی مرنے سے کچھ دیر قبل کی گئ گفتگو۔ بے بسی اور لاچاری کی انتہا 😭😭😭😭 pic.twitter.com/lalice8KKW

— Nadia Mirza (@nadia_a_mirza) May 3, 2020

ڈاکٹر فرقان اپنے دوست سے زندگی کے آخری لمحات میں گفتگو کرتے ہوئے کہتے ہیں کہ میں گھر میں قرنطینہ میں ہی ہیں۔ ایمبولینس والا بول رہا ہے پہلے انڈس سے معلوم کرلیں جگہ ہے یا نہیں۔ انڈس میں اپنے پرانے تعلقات کا استعمال کرو۔

جس پر ڈاکٹر فرقان کا دوست کہتا ہے کہ انڈس میں کوئی جگہ نہیں، میں کوشش کرتا ہوں جس پر ڈاکٹر فرقان کہتے ہیں کہ آغا خان میں ہی دیکھ لیں۔

واضح رہے کہ گزشتہ روز ڈاکٹرفرقان ونٹی لیٹر نہ ملنے پر انتقال کرگئے تھے۔ ڈاکٹرفرقان کی فیملی کے مطابق ہم ڈاکٹر فرقان کو لیکر مختلف ہسپتالوں میں گھومتے رہے لیکن ہرہسپتال سے یہی جواب آتا کہ آئی سی یو میں جگہ نہیں ہے۔