پاکستان میں پہلی بار بجلی سے چلنے والا رکشہ تیار

پاکستان میں ٹیکنالوجی میں بڑا انقلاب، پہلی دفعہ مقامی طور پر بجلی سے چلنے والا رکشا تیار کر لیا۔

رکشا قیمت میں سستا، ماحول دوست اور ایندھن کے بچاؤ کا بڑا ذریعہ بنے گا۔ تفصیلات کے مطابق مطابق مقامی طور پر تیار کیے گئے پاکستان کے پہلے الیکٹرک رکشہ کی لانچنگ تقریب لاہور میں منعقد ہوئی۔

رکشا کی تقریب رونمائی میں تقریب رونمائی میں وزیراعظم عمران خان کے مشیر برائے موسمیاتی تبدیلی ملک امین اسلم نے بھی شرکت کی، ملک امین اسلم نے انجنئیرز اور ماہرین کو مبارکباد دی اور انکے پروجیکٹ کی تعریف کی۔

اس موقع پر اپنے خطاب میں امین اسلم کا کہنا تھا کہ کسی بھی پراجیکٹ کی کامیابی کا دارومدار اس کے خریدار کے مالی فائدے پر ہوتا ہے۔

انہوں نے کہاکہ اگر اس رکشے سے خریدار کو فائدہ ہوگا تو ہم عام رکشوں کو بھی بجلی سے چلنے والا بنا سکتے ہیں۔

علاوہ ازیں ماہرین کا کہنا ہے کہ مقامی طور پر تیار کیے گئے، اِس رکشے سے نہ صرف ہمارا ایندھن بچے گا بلکہ یہ ہمارے ماحول کے لیے بھی بہت سازگار ثابت ہوگا۔

رکشہ بنانے والی کمپنی کا کہنا تھا کہ اگر حکومت ہماری سرپرستی اور حوصلہ افزائی کرے تو مزید رکشے بھی بنائے جاسکتے ہیں۔