اچھے کام کرنیوالوں کوبغیر ٹیکے کے ہی حوریں ملیں گی۔ بریگیڈئیر(ر)اعجازشاہ

وفاقی وزیر داخلہ اعجاز احمد شاہ کا کہنا ہے کہ اچھے کام کرنے والوں کوبغیر ٹیکے کے ہی حوریں ملیں گی اوربرا کام کرنے والوں کی چھترول ہو گی۔ اگر برا کام کرو گے تو یمنی ہوں گے جو لتر ماریں گے۔ ننکانہ صاحب ڈسٹرکٹ بار کی تقریب حلف وفاداری کے شرکاء سے خطاب کرتے ہوئے انہوں نے کہا کہ وکلا کے ذمہ لوگوں کو انصاف فراہم کرنے میں مدد کرنا ہے یہ وکلا پر منحصر ہے کہ آپ پریشر گروپ بنیں یا لوگوں کی فلاح کے لیے کام کریں۔ انہوں نے کہا کہ مجھے اپنیاچھے کاموں پر صرف عوام کی مسکراہٹ چاہیئے۔اگر میں بھی کچھ غلط کام کروں تو مجھے بھی گریبان سے پکڑا جائے اور اچھے کام کرنے پر مجھے صرف خوش ہو کر ہی دیکھاجائے انہوں نے کہا کہ ائیرپورٹس سمیت ہر جگہ سٹیزن کاؤنٹر قائم ہوں گے۔