امریکی سیکرٹری خارجہ مائیک پومپیو نے پاکستانی ڈاکٹر معیز کو کورونا وائرس کی تشخیص کا منفرد طریقہ ایجاد کرنے پر مبارک باد پیش کی ہے۔
ٹویٹر پر جاری اپنے پیغام میں مائیک پومپیو کا کہنا تھا کہ "ایکسچینج پروگرام کے تحت تعلیم حاصل کرنے والے ڈاکٹر معیز کو مبارک باد پیش کرتا ہوں جنہوں نے کورونا وائرس کی تشخیص کیلئے منفرد طریقہ ایجاد کیا، اس وباء کے دوران ایسے نوجوان لیڈرز کے نئے آئیڈیاز اور وباء سے نمٹنے کے طریقوں کی حوصلہ افزائی کی جانی چاہیے”۔
I continue to be amazed by the great work #ExchangeAlumni are doing around the world in response to #COVID19. The dedication of these young leaders to sharing innovative ideas and solutions during this pandemic inspires us all. https://t.co/aRK8kvNInU— Secretary Pompeo (@SecPompeo) April 6, 2020
ڈاکٹر معیز نے سندھ حکومت کے تعاون سے کراچی کے علاقے کلفٹن میں کورونا وائرس کی تشخیص کی جو لیبارٹری قائم کی وہ بین الاقوامی سٹینڈرز پر ہر طرح سے پورا اترتی ہے، اس موقع پر ڈاکٹر معیز کا کہنا تھا کہ میں نے کبھی سوچا بھی نہیں تھا کہ میں ایسے بحران سے براہ راست نمٹنے کا کوئی کام کروں گا، مگر ایسا ہوگیا ہے، اس وقت سب کچھ ایک ہوائی بات ہے، اسی لیے اس وباء کو تشخیص کرنے کا طریقہ کار ایجاد کرنا ایک دلچسپ چیلنج تھا”
ڈاکٹر معیز نے اپنی ماسٹرز کی ڈگری فل برائٹ سکالر شپ کے تحت جیورج واشنگٹن یونیورسٹی سے حاصل کی، اور اس وقت وہ انڈس ہیلتھ نیٹ ورک کے گلوبل ہیلتھ ڈائریکٹوریٹ میں پروگرام مینیجر کی حیثیت سے فرائض سرانجام دے رہے ہیں۔
Wait what?!? I need chocolates Mr. Pompeo. That's true appreciation. 😂 https://t.co/r8ySImXTIu— Muhammad Moiz (@TMItalks) April 7, 2020
کورونا وائرس کی تشخیص کیلئے ڈاکٹر معیز کا ایجاد کردہ طریقہ ایک ڈرائیو تھرو ٹیسٹنگ کی سہولت ہے جس میں مشتبہ شخص کا بنا کسی انتظار اور رپورٹ کی تاخیر کے ٹیسٹ کیا جاسکے گا، لیبارٹری میں ڈاکٹرز اور پیرا میڈیکل سٹاف کو تمام حفاظتی انتظامات کے بعد تعینات کیا گیا ہے، اس لیبارٹری میں صرف ان افراد کا ہی ٹیسٹ کیا جائے گا جن کی کوئی سفری تاریخ ہو یا کورونا وائرس کی علامات ظاہر ہورہی ہوں۔
0 Comments:
ایک تبصرہ شائع کریں
Click to see the code!
To insert emoticon you must added at least one space before the code.