سوشل میڈیا پر گونگی بہری جواں سالہ عیسائی لڑکی کے اغوا کے واقعہ پرنوٹس

تفصیلات کے مطابق گزشتہ کچھ روز سے سوشل میڈیا پر لاہور کے علاقے ساندہ سے عیسائی لڑکی کے اغواء کے واقعہ کے حوالے سے ان کے لواحقین کی جانب سے مدد کی اپیل کی ویڈیو وائرل ہونے کے بعد وزارت انسانی حقوق حرکت میں آ گئی۔ وفاقی وزیر برائے انسانی حقوق ڈاکٹر شیریں مزاری کا مذکورہ واقعے کا نوٹس لیتے ہوئے اپنے آفیشل ٹویٹر اکاونٹ سے ٹویٹ کرتے ہوئے کہنا تھا کہ ” انتہائی افسوسناک اور شرمناک واقعے کا وزارت انسانی حقوق نے نوٹس لے لیا ہے، مذکورہ واقعہ کی درج کی گئی ایف آئی آر کی کاپی ہمارے پاس موجود ہے، تاہم اس انتہائی گھٹیا حرکت کے پیچھے چھپے محرکات کو بہت جلد بے نقاب کرتے ہوئے پکڑ لیا جائے گا”۔ A shameful and horrific act. Have taken it up. FIR registered. We have copy of it. MOHR following the case now - culprits will be caught. https://t.co/rJwszsnZtI — Shireen Mazari (@ShireenMazari1) May 10, 2020 خیال رہے کہ گزشتہ روز سماجی رابطے کی ویب سائٹ ٹویٹر پر پاکستان میں اقلیتوں کے لیے آواز بلند کرنے والے پیج "وائس آف پاکستان مانورٹی” نے  دو ماہ قبل گھر سے زبردستی اغواء ہونے والی گونگی بہری عیسائی لڑکی کے لواحقین کی حکومت اور متعلقہ اداروں سے مدد کی اپیل پوسٹ کی تھی، جس میں اغواء ہونے والی لڑکی کی والدہ روتے ہوئے اپنی بیٹی کے اغواء کا احوال بیان کرتے ہوئے بتاتی ہے کہ دو ماہ قبل میری معذور گونگی بہری بیٹی ملزمان کی جانب سے زبردستی گھر سے اغواء کر لیا گیا۔ A handicapped, minor Christian girl is abducted for sex slavery in Sandha, Lahore Pakistan. Look at the Helplessness of her family. They are given naked pictures of their daughter. Police know the kidnappers but not arresting them because the victim is a Non-Muslim poor girl. pic.twitter.com/5flBdqwzBc — Voice of Pakistan Minority (@voice_minority) May 10, 2020 اغواء ہونے والی لڑکی کی والدہ کا خبر رساں ادارے سے گفتگو کرتے ہوئے کہنا تھا کہ "ہم نے اپنی بیٹی کے اغواء کا مقدمہ بھی متعلقہ پولیس اسٹیشن میں درج کروایا لیکن پولیس واقعے میں ملوث ملزمان کو گرفتار کرتی ہے اور رشوت لیکر چھوڑ دیتی ہے۔ لہذا ہماری حکومت سے اپیل ہے کہ ہمیں انصاف فراہم کیا جائے اور ہماری دادرسی کرتے ہوئے ملزمان کو کڑی سے کڑی سزا دی جائے”۔