ایک ماہ قبل زیادتی کے بعد قتل ہونے والا بچہ زندہ گھر واپس آ گیا

ہری پور میں ایک ماہ قبل زیادتی کے بعد قتل ہونے والا بچہ زندہ گھر واپس آ گیا۔ 12 سالہ مقتول جب گھر واپس پہنچا تو اہلخانہ دنگ رہ گئے،  مذکورہ بچے کے قتل کے الزام میں پولیس نے دو ملزمان گرفتار کر کے ان سے اقرار جرم بھی کروا لیا تھا جس سے پولیس کی اعلی و معیاری کارکردگی کا راز فاش ہو گیا۔  بارہ  سالہ احتشام گھر سے بھاگ کر گجرات نجی ہوٹل پر کام کرتا رہا، والدین نے شک کی بناء پر دو نوجوانوں کے خلاف مقدمہ درج کرا رکھا تھا، حیرت کی بات یہ ہے کہ پولیس کی تفتیش کے دوران ملزمان نے اقرار جرم بھی کر لیا تھا۔ اس واقعہ سے پولیس تفتیش کی حقیقت کا پردہ فاش ہو گیا۔