"اردو ٹیچر کی ڈائری"

 

میرے شاگردوں کا شکوہ تھا کہ ہم نے اردو کے اتنے اچھے جملے بنائے لیکن آپ نے فیل کر دیا 😪

 چند نمونے پیش خدمت ہیں. 

کار گزاری: 

ڈرائیور نے پل پر سے کارگزاری. 

اگربتی: 

ابو کہتے ہیں کہ اگر بتی چلی جائے تو موبائل کی لائٹ جلا لیا کرو. 

لگاتار: 

میں نے ٹی وی کا تار اٹھاتے ہوئے اپنے دوست سے کہا کہ میچ آرہا ہوگا جلدی سے لگا تار, میچ دیکھنا ہے. 

بھائی چارہ:

میں نے دودھ والے سے پوچھا کہ دودھ کیوں مہنگا ہوگیا تو کہنے لگا کہ بھائی چارہ جو مہنگا ہوگیا ہے. 

آسیب: 

امی نے کہا کہ بیٹا آ سیب کھا لے. 

دستک:

مجھے دس تک گنتی یاد ہوگئی ہے. 

اتفاق: 

میں اتفاق سے اپنی سالگرہ والے دن پیدا ہوا. 

کلنک کا ٹیکہ:

 ہمارے محلے میں سب نے کلنک کے ٹیکے لگوائے. میں گھر پر موجود نہ ہونے کی وجہ سے نہیں لگوا سکا.

واٹس ایپیات

بشکریہ       محمد منیر

+92 333 5918935