پولیس اہلکاروں کا شہری کے ناخن کھینچنے کے معاملے میں وضاحت

لاہور(نامہ نگار) لاہور سے نمائندہ خصوصی کی رپورٹ کے مطابق واقعہ کی کچھ تفصیلات موصول ہوئیں ہیں جوکچھ اس طرح سے ہیں کہلاہور  گلبرگ کے علاقے گورومانگٹ روڈ پر منشیات فروش نے پکڑے جانے پر پولیس اہلکاروں پر بلیڈ سے حملہ کردیا۔پولیس نے منشیات فروش کو پکڑ کر پلاس سے بلیڈ چھین لیا جبکہ پولیس نے واقعہ کی موبائل فون سے فوٹیج بنانے والے ایک شہری کی کار کا شیشہ توڑدیا ہے۔ ۔پولیس ترجمان کے مطابق اہلکار نثار اور صدرق  قاسم پورہ گلی نمبر 5 ریلوے کالونی گورومانگٹ روڈ معمول کی گشت پر تھے، فرحان عرف بلی نامی شخص کو مشکوک حرکات پر چیک کرنے کی کوشش کی گئی۔فرحان عرف بلی پولیس اہلکاروں پر بلیڈ سے حملہ آور ہو گیا۔ ملزم نے بلیڈ سے کانسٹیبل کی انگلی پر زخم دیا اور وردی پر بھی کٹ لگائے ۔ملزم بلیڈ ہاتھ سے چھوڑ نہیں رہا تھا۔ قریبی دکانداروں نے پولیس کانسٹیبل کو پلاس فراہم کیا۔ پولیس اہلکاروں نے پلاس کی مدد سے ملزم سے بلیڈ کھنچا۔پولیس اہلکاروں نے بلی نامی شخص کے ناخن نہیں اتارے،  ملزم کے ہاتھ پاؤں بلکل درست ہیں۔ملزم سے موقع پر ہیروئن کی 10 پوڑیاں برآمد کیں گئیں ۔فرحان نامی ملزم ریکارڈ یافتہ نکلا۔ملزم کے خلاف شہر کے مختلف تھانوں میں ڈکیتی، راہزنی،  منشیات اور چوری سمیت دیگر سنگین وارداتوں کے 50 سے زائد مقدمات درج ہیں۔مزید تفتیش کےلیے ملزم کو تھانہ غالب مارکیٹ منتقل کر دیا گیا ہے۔ یاد رہے کہ اس سے قبل میڈیاپریہ فیک نیوز کچھ یوں چل رہی تھی کہ  ‏لاہور پولیس اہلکار سرعام پلاس سے نوجوان کے ناخن کھینچ کر تشدد کرتے ہوئے,لائیو وڈیو بنالی گئ -' چاہۓ قاتل ہی کیوں نا ہو یہ کون ہوتے ہیں جلاد؟ یہ عمل دیکھ کے انسانیت بھی کانپ جاۓ۔۔ وزیراعلی پنجاب سے مطالبہ  ہے کہ انکو نوکریوں سے برخاست کر کے فوری گرفتار  کیا جاۓ۔۔ تصاویرکچھ یوں شائع ہوئیں؛