پیسے کے لالچی شخص کی شرمناک ترین حرکت

قاہرہ:  پیسے کے لالچی شخص کی شرمناک ترین حرکت، برہنہ ہو کر پورے گاوں میں گھومتا رہا۔ تفصیلات کے مطابق مصر کے صوبہ الشرقیہ کے ایک گاوں میں پیش آئے واقعے نے مصریوں کو پوری دنیا کے سامنے شرم سے پانی پانی کر دیا۔ بتایا گیا ہے کہ پیسے کے لالچی 40 سالہ مصری شخص چند لاکھ روپے کی شرط جیتنے کیلئے شرم و حیاء کو مکمل طور پر بھول گیا۔ بتایا گیا ہے کہ مذکورہ شخص ایک مویشی فروش ہے جو مالی طور پر مستحکم ہونے کے باوجود پیسے کا لالچی ہے۔ اس شخص نے اپنے ایک دوست کیساتھ شرط لگائی کہ اگر وہ برہنہ ہو کر پورے گاوں میں گھوم لے تو پھر اسے 25 ہزار مصری پاونڈ ادا کرنا ہوں گے۔ شرط لگانے کے بعد یہ مویشی فروش برہنہ ہو کر پورے گاوں کا چکر لگانے کیلئے نکل پڑا۔ ایک برہنہ شخص کو سرعام گھومتے دیکھ کر لوگ شرم و حیاء اور خوف کے مارے اپنے گھروں میں گھس گئے، جبکہ کئی لوگوں نے اس شخص پر کپڑا ڈالنے کی کوشش بھی کی، لیکن اس مویشی فروش نے کسی شخص کو اپنے قریب نہ پھٹکنے دیا۔ بعد ازاں شرط جیتنے کے دعوے پر اس شخص نے اپنے دوست سے طے شدہ رقم حاصل کی اور پھر برہنہ حالت میں ہی اپنے گھر کے سامنے بیٹھ کر رقم گنتا رہا۔ اہل علاقہ نے اس حوالے سے ردعمل دیتے ہوئے کہا کہ یہ شخص صرف پیسے کا ہی لالچی نہیں ہے، بلکہ اس کی حرکتیں بتاتی ہیں کہ اس کا ذہنی توازن درست نہیں۔